مجلة أرض المطاط متخصصين بالمنشآت الرياضية والارضيات المطاطية


إرشادات ما قبل شراء العشب الصناعي

 الجميع ينجذب إلى رؤية ملاعب النجيل الصناعي شديدة الخضار وجذابة اللون كما أيضا تشعر بأنك داخل حديقة للتنزه وليس للعب فقط.

يسأل الكثير من الناس كيف اشتري النجيل الصناعي من السوق ؟ كيف اختار النوع ؟ سنتناول هنا بالتفصيل عن عدة ارشادات تساعد بشكل كبير في اختيارك للنجيل الصناعي سواء للملعب أو الحديقة.

اولا يجب أن تعرف أن هناك ثلاثة أنواع رئيسية من العشب الصناعي وهي

اولا :- انواع العشب الصناعي


 
النوع المتداخل  من انواع النوع المتداخل ويعرف باسم سيتم جراس ولانه له مظهر جذاب وطبيعي فيستخدم لتزين المنزل واعمال الديكور

النوع النحيف ويعرف باسم مونوفايلمنت ويدخل في صناعة العزل وهو اقلهم شهرة

النوع العريض من النجيل الصناعي وهو فايبرليتد ويعتبر هذا النوع هو اشهر انواع  النجيل الصناعي ويستخدم في تجهيز الملاعب الرياضيه والحدائق والقسائم والشركات وغيرهم 

   


في حالة انك تريد شراء نجيل صناعي ينفع لكساء ارضية ملعب كرة القدم ؟

 

يجب أن تعرف بالتحديد مساحة ملاعب كرة القدم المعتمدة وهي كالتالي:

ابعاد ملعب النجيل الصناعي الخماسي
المساحة الاولي وهي المساحة القانونية الدولية : 22 * 42 مترمربع
المساحة الثانية وهي المساحة القانونية المصرية : 18 * 38 مترمربع
المساحة الثالثة وهي متوسط المساحة : 20 * 40 متر مربع وبتتغير مساحة ملاعب النجيل الصناعي فى مصر على حسب رغبة العميل او على حسب مساحة الارض المتاحة وابعاد ملعب النجيل الصناعي الخماسي تعتبر هي الابعاد المناسبة للملاعب فى مصرلانها بتساعد على الاستثمار وبتساعد برضو على تنمية الرياضة فى مصر

ابعاد ملعب النجيل الصناعي السداسي
المساحة الاولي وهي مساحة الملعب القانوني الدولي السدادسي : 27 * 47 متر مربع
المساحة الثانية وهي مساحة الملعب القانوني المصري : 24 * 44 مترمربع
المساحة الثالثة وهي متوسط المساحة : 25 * 45 متر مربع

ابعاد ملعب النجيل الصناعي السباعي
المساحة الاولي وهي مساحة الملعب القانوني الدولي السباعي : 35 * 55 متر مربع
المساحة الثانية وهي مساحة الملعب القانوني المصري : 30 * 50 مترمربع
المساحة الثالثة وهي متوسط مساحة الملعب السباعي : 33 * 53 متر مربع

  
 
 



هناك ثلاث اختيارات أمامك حاليا وهي
 
النجيل الطبيعي :عيوبه الملعب بيشتغل اوقات معينة بس يعني مثلا ممكن يتلعب عليه 10 ساعات في الاسبوع بس , الصيانة مكلفة جداااا وهتكون محتاج انك تتعاقد مع ناس بتوع صيانة ملاعب يكونوا ثابتين في الملعب علشان اي حاجة تحصل في الارض تتعالج في نفس الوقت , ده غير الري والتقليم والتخطيط وكمان الحشرات والمبيدات ده غير ان عمره الأفتراضي مش كبير , لكن مميزات النجيل الطبيعي انه مش غالي لكن دي مش ميزة قوي للناس المستثمرين لانه هيلاقي نفسه بيدفع كتير للصيانة ومش بيكسب برضو , الميزة التانية انه ناس كتير بتحب تلعب على الطبيعي لانه طبياً افضل ليهم لكن في بديل طبي طبعا طلع لكن هنتكلم عنه في النقط اللي جاية

النجيل الصناعي : عيوبه الملعب محتاج اهتمام شوية لانه مينفعش تسيبه سنة او اتنين من غير اي صيانة وتيجي تفكر تعمل صيانة لان الملعب هيكون اتبهدل ولو عملت صيانة هتكون مكلفة وبالتالي العمر الافتراضي بتاع الملعب بقي اقل , تاني حاجة في العيوب انه محتاج انك تعمل ملعب على القياسات القانونية للفيفا يعني مش هتجيب النجيل الصناعي وتحط فيه رمل ورابر وهات ناس تركب ونزل الناس تلعب , المفروض انه فيه مواصفات قياسية وقانونية للملعب يتعمل علي اساسه علشان تتفادي موضوع الاصابات الطبية زي المية على الركبة والاصابات اللي بتحصل بسبب التاكلينج مثلا او العنف في الملعب .. لكن المميزات بقى اللي هتلاقيها في النجيل الصناعي انه انت تكاليفه مش عالية قوي , كمان الملعب متاح يتلعب عليه اي عدد ساعات يعني لو شغال 24 ساعة ف الاسبوع مفيش اي مشاكل , والملعب مش هتكون شاي لهم التنظيف لانه سهل ده غير انه مش بيحتاج انه يترش بالمية وكمان الوقت الخاص بإنشاء الملعب مش كبير ده غير العمر الأفتراضي الخاص بالملعب بيكون  5 سنوات فما اكثر وكمان مش متغير مع عوامل الجو سواء صيف او شتاء .

الترتان والاكريليك : الاستخدام الاول والاساسي لملاعب الترتان هي لعمل الملاعب المتعددة مثل كرة الطائرة وملاعب التنس وهكذا , ويندرج تحت هذه الملاعب تخطيط ملاعب كرة القدم لانه يمكن اللعب على هذه الملاعب كل انواع الرياضات المرتبطة بالجري وحركة القدم واليد , ناس كتير بترجع انها تعمل ملاعب الترتان فضلا عن النجيل الصناعي او الطبيعي نظرا لان الترتان والاكريليك عمره الافتراضي اعلى ودي ميزة مهمة لملاعب الترتان ان عمرها الافتراضي عالي جدا بالاضافة انه مش بيحتاج صيانة غير التخطيط كل سنة على الاقل , وتعتبر ملاعب الترتان والاكريليك اعلى انواع الملاعب سعر سواء للمستثمر او للاعبين
 
 
الرابر يعتبر عامل اساسي فى نجاح الملعب او فشله لازم الرابر يكون بكمية مناسبة ويكون ظاهر من شعرة النجيل الصناعي واحد سم كحد اقصى لو الرابر مش بكمية مناسبة هيسبب زحلقة للناس اللي بتلعب انما لو بكمية مناسبة هيكون افضل وقت للعب تحت المطرة 
 





 

ليست هناك تعليقات :

إرسال تعليق